Llaboral Cineteca facilita l´espardimientu y distribución d´aquelles películes producíes por realizadores asturianos o residentes n´Asturies col fin de fortalecer la cultura audiovisual asturiana, valiendo de mediu impulsor pa los profesionales nuevos del sector y como escaparate del talentu emerxente de la rexón.

Llaboral Cineteca ponse asina a disposición de los creadores asturianos coles mires de dar visibilidá a les sos obres, abriendo puertes a la circulación del sector audiovisual de la rexón tanto nel ámbitu nacional como internacional.

Un comité d´espertos evalúa los trabayos recibíos. Una valoración favorable supón la incorporación de la obra al programa de distribución de Llaboral Cineteca.

Cada trabayu recoyíu nes llistes de distribución va disponer del so propiu espaciu na web de Llaboral Cineteca, onde va figurar la so ficha técnica, material gráficu y tráiler, y, tamién, la relación de Festivales nos que participara y, d´habelos, palmarés de premios consiguíos.

Los llargumetraxes van entrar a formar parte del circuitu de proyecciones llideráu por Llaboral Cineteca nel marcu del proyectu de collaboración que s´estableció con distintos Conceyos asturianos.

 

reunion