Llaboral Cinemateca abre la so primer convocatoria d´ayudes pa proyectos cinematográficos asturianos nun apueste nuevu pol desenvolvimientu y fortalecimientu del sector audiovisual de la rexón. La iniciativa busca potenciar la producción de llargumetraxes y curtiumetraxes de non ficción sofitando propuestes d´un valor creativu singular.

Esta llinia nueva d´actuación de Llaboral Cinemateca tien ente los sos oxetivos estimular la creación cinematográfica na rexón y l´empléu nel sector, porque na valoración de los proyectos qu´opten a esta convocatoria va tenese en cuenta la participación d´equipu técnicu y repartu asturianos nel llargumetraxe o curtiumetraxe.